Kecha, 11-may oqshomida Yevropa Ligasi yarim final bosqichining dastlabki oʻyinlari boʻlib oʻtdi.

“Roma” oʻz maydonida “Bayer”ni qabul qildi va kichik 1:0 hisobida gʻalaba qozondi. Uchrashuvdagi yagona golga Eduardo Bove mualliflik qildi.

“Yuventus” esa oʻz uyida “Sevilya” bilan bahs olib bordi. Bellashuvning 26-daqiqasida Ispaniya klubi futbolchisi Yusuf En-Nesiri hisobni ochdi.

Uchrashuvning asosiy vaqtiga qoʻshib berilgan yettinchi daqiqada esa Federiko Gatti oʻz goli bilan “Yuventus”ni magʻlubiyatdan qutqarib qoldi.

Qayd etish mumkin, jamoalar oʻrtasidagi javob uchrashuvlari 19-may kuni oʻtkaziladi.

Yevropa Ligasi

Yarim final, dastlabki oʻyinlar

11-may, payshanba

“Roma” – “Bayer” 1:0

Gol: Eduardo Bove, 63ʼ

“Yuventus” (Italiya) – “Sevilya” (Ispaniya) 1:1

Gollar: En Neseri, 26ʼ, 0:1, Federiko Gatti, 90+7, 1:1.

• Futbol
• Seviliya
• Yevropa Ligasi
• Yuventus