Ogʻir vaznda WBC yoʻnalishi boʻyicha jahon chempioni, magʻlub boʻlmagan britaniyalik bokschi Tayson Fyuri oʻzining tugʻilgan kuni munosabati bilan ijtimoiy tarmoqlarda yangi post joylashtirdi va u oxir-oqibat faoliyatini yakunlaganini yaqqol maʼlum qildi. Kuni kecha, 12-avgust kuni u 34 yoshga toʻldi.

“Koʻp yillar davomida faoliyatimning muvaffaqiyatli boʻlishiga hissa qoʻshgan barchaga katta rahmat. Qattiq muzokaralardan soʻng, nihoyat, ketishga qaror qildim.

Va tugʻilgan kunimda aytaman: xayrli sayohat. Hammaga, ayniqsa menga hammadan koʻra koʻproq yordam bergan rafiqam Perisga katta rahmat”, – deb yozgan Fyuri.

Eslatib oʻtamiz, Fyuri Londonda vatandoshi Dillian Ueyt bilan boʻlib oʻtgan duelda gʻalaba qozonganidan soʻng faoliyatini yakunlaganini eʼlon qilgan edi.

Yaqinda esa u faoliyatini yana davom ettirishini maʼlum qilib, murabbiy oʻzgarishini aytgan edi.

• Boks
• Jahon