Prezident Shavkat Mirziyoyev raisligida yurak qon-tomir va endokrin kasalliklarning oldini olish va ularni davolash tizimini takomillashtirishga bagʻishlangan videoselektor yigʻilishi davom etmoqda.

Unda davlat rahbari, Kardiologiya markazi faoliyati ham butunlay oʻzgarishi kerakligini taʼkidladi. 

Keltirilishicha, kardiologiya markazida 15 dan ziyod yuqori texnologik amaliyot yoʻlga qoʻyiladi.

Ushbu markaz Rossiyaning Bakulev nomidagi yurak-qon tomir kasalliklari jarrohlik markazi va Germaniyaning Sharite universiteti kabi nufuzli tibbiyot tashkilotlarida yiliga 30 tadan shifokor malakasini oshirishni taʼminlaydi. Ushbu xarajatlar byudjetdan qoplab beriladi.

Bundan tashqari, markazga preventiv kardiologiya, nur yordamida diagnostika kabi yoʻnalishlarda yangi ilmiy-tadqiqotlar uchun zamonaviy laboratoriyalar tashkil etiladi. Markaz klinikasi faoliyati koʻp tarmoqli shaklga oʻtkaziladi.

• Mirziyoyev
• Prezident
• Videoselektor