Krishtianu Ronaldu “Barselona”ga oʻtishi mumkin. Kataloniya klubi prezidenti Joan Laporta futbolchining agenti Xorxe Mendes bilan uchrashdi.

Muhokamaning asosiy mavzusi Mendesning boshqa mijozlari – “Vulverhempton”dan yarim himoyachilar Ruben Neves va “Manchester Siti”dan Bernardu Silva hamda “Milan” hujumchisi Rafael Leauning ehtimoliy transferlari boʻldi.

Shu bilan birga, Laporta va Mendes Ronalduning Kataloniya klubiga oʻtish imkoniyatini ham muhokama qilishgan. “Barsa” prezidenti oʻtgan yozda portugaliyalik futbolchini qoʻlga kiritish imkoniyatini oʻrgangan edi, ammo klubdagi iqtisodiy vaziyat tufayli bu ish koʻngildagidek davom etmagan.

Taxminlarga koʻra, Ronalduning “Barselona”ga oʻtishi mumkinligi haqidagi maʼlumotlar “Bavariya”ga bosim oʻtkazadi, bu esa “koʻk-anorranglilar”ning Robert Levandovski transferi boʻyicha takliflarini qabul qilishdan bosh tortishiga olib keladi.

Maʼlumot oʻrnida, oʻtgan mavsumda Ronaldu APLning 30 ta oʻyinida 18 ta gol urdi va 3 ta golga assistentlik qildi.

• Barselona
• Futbol
• Ronaldu
• Transferlar