21-mart kuni Londonda yong‘in tufayli xalqaro aeroport yopildi. Shu jumladan Toshkentga yo‘nalishlar bo‘yicha reyslar bekor qilindi. Bu haqda Uzbekistan Airways matbuot xizmati xabar berdi.

Ma’lumotlarga ko‘ra, yong‘in Xitrou xalqaro aeroportida sodir bo‘lgan. Shu munosabat bilan hukumat 21-mart kuni HY201/202, Toshkent — London (Xitrou) — Toshkent yo‘nalishidagi reyslarni bekor qilishga majbur bo‘ldi.

Ta’kidlanishicha, ushbu reyslar yo‘lovchilari uchun aviachiptalar 23-martdagi HY203/204 reyslariga Toshkent — London (Gatvik) — Toshkent yo‘nalishi bo‘yicha qayta rejalashtirilgan.

Shuningdek, yo‘lovchilarning iltimosiga binoan ularga aviachiptalarni qaytarish imkoniyati beriladi. Kompaniya yo‘lovchilardan noqulayliklar uchun uzr so‘radi.

• London
• O‘zbekiston
• Uzbekistan airways
• yong‘in