Bosh prokuratura matbuot xizmati bergan ma’lumotlarga ko‘ra, Andijon viloyati, Shahrixon tumanida yashovchi fuqaro O.Latipova joriy yil 8 yanvar kuni tuman IIBga murojaat qilib, 1991-yilda tug‘ilgan farzandi M.Otaxonovni 7-yanvar kuni uydan chiqib ketib, bedarak yo‘qolgani haqida ariza bilan murojaat qilgan.

Aniqlanishicha, M.Otaxonov Cobalt avtomashinasida “Andijon-Toshkent” yo‘nalishida qatnab, aholiga pullik transport xizmati ko‘rsatib kelgan.

M.Otaxonov 7-yanvar kuni soat 17:55 lar atrofida Shahrixon tumanidagi avtoturargohdan bir fuqarodan 11 650 AQSh dollarini Toshkent shahridagi tanishiga olib borib berish uchun olgan hamda notanish bo‘lgan 3 nafar yo‘lovchilarni ham o‘z avtomashinasida Toshkent shahri yo‘nalishida olib ketib ketib, bedarak yo‘qolgan.

Mazkur faktlardan so‘ng M.Otaxonovni qotillik qurboni bo‘lishi mumkinligini inobatga olib, Shahrixon tuman prokuraturasi tomonidan 9-yanvar kuni Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan va malakali tergov-tezkor xodimlardan iborat tarkibda tuzilgan tergov guruhi tomonidan tergov harakatlari olib borilgan.

Tezkor qidiruv tadbirlari natijasida M.Otaxonovning murdasi 9-yanvar kuni Toshkent shahar, Yashnobod tumanidagi avtoturargohda “Kobalt” rusumli avtotransport vositasining yukxonasidan qotillik alomatlari bilan topilgan.

Jinoyatni fosh etishga qaratilgan tezkor tadbirlar natijasida 3 nafar gumonlanuvchi Qo‘qon shahar hudidan ushlangan va tergovga jalb qilingan.

Jinoyat ishi bo‘yicha dastlabki tergov harakatlari Andijon viloyati prokuraturasi tomonidan olib borilmoqda.

• Andijon
• Jinoyat
• Qotillik