Toshkent viloyati Zangiota tumanida yong‘in sodir bo‘ldi. Mazkur yong‘in to‘g‘risida FVV matbuot xizmati birlamchi ma’lumot berdi.

Unga ko‘ra, bugun 10-sentyabr kuni soat 14:15 da Zangiota tumani, “Erkin” MFYda joylashgan bo‘yoq (kraska) ishlab chiqarish sexi binosida yong‘in bo‘layotganligi to‘g‘risida Toshkent viloyati FVBga xabar kelib tushgan.

Yong‘in o‘chirish ekipajlari tezkorlik bilan yetib borishgan, ayni vaqtda yong‘inni o‘chirish ishlari bajarilmoqda.

Yong‘in natijasida tan jarohati olgan va vafot etgan fuqarolar to‘g‘risida xabar kelib tushmagan.

Shuningdek, voqea joyiga vazirlik rahbariyati hamda mas’ul tashkilotlarning vakillari chiqqan.

• FVB
• Toshkent viloyati
• yong‘in