Ukraina prezidenti Volodimir Zelenskiy Isroilning Rossiya hujumlariga qarshi turish uchun Kiyevga raketaga qarshi tizimlarini bermaganidan “shokda” ekanini aytdi.

Qayd etilishicha, Ukraina prezidenti fevral oyida urush boshlanganidan ko‘p o‘tmay qurol-yarog‘ni so‘ragan. 

Shuningdek, Zelenskiy Isroilning “Temir gumbaz” tizimini eslatib o‘tgan, u ko‘pincha G‘azoda falastinlik tomonidan javob zarbasi sifatida otilgan raketalarni tutib olish uchun ishlatiladi.

“Isroil bilan nima bo‘lganini bilmayman. Rostini aytsam, men shokdaman, chunki nega ular bizga havo mudofaasini bera olmaganliklarini tushunmayapman”,– deydi u.

Rossiya bosqinini qoralagan Isroil qo‘shni Suriyadagi kuch vositachisi bo‘lgan Moskva bilan aloqalarni keskinlashtirishdan ehtiyot bo‘lib, u yerda Isroil kuchlari Eronparast jangchilarga tez-tez hujumlar uyushtirmoqda.

Xuddi shu nuqtai nazardan, Isroil Ukrainaga gumanitar yordam yubordi ammo hukumat Rossiyaga qarshi xalqaro sanksiyalarga qo‘shilmadi.

Avvalroq Rossiya Isroilni Ukrainadagi “neonatsistlarni” qo‘llab-quvvatlayotganlikda ayblagan edi.

“Men tushunaman - ular Suriya va Rossiya bilan bog‘liq vaziyat bo‘yicha og‘ir ahvolda”. Lekin men faktlarni aytyapman. Isroil rahbariyati bilan qilgan suhbatlarim Ukrainaga hech qanday yordam bermadi”,– deydi Zelenskiy.

• Isroil
• Qurol
• Ukraina
• Urush