Kecha, 9-sentyabr kuni Moldovadan Norvegiyaga uchayotgan Zelenskiyning samolyoti dron bilan to‘qnashib ketishiga bir baxya qoldi va reys kechiktirildi.

Uning samolyoti Moldovadan uchib ketayotganida dron tomonidan urib tushirilishiga oz qolgan.

Norvegiya Bosh vaziri Jonas Gar Styore NRKga bergan intervyusida shunday dedi: “Uning samolyoti Moldovaga uchishi kerak bo‘lgan paytda dron bilan to‘qnashishiga sal qoldi”.

Hozircha bu holat atayin uyushtirilganmi yoki tasodifmi voqeaga aniqlik kiritilmagan. NRK shuningdek, Ukraina prezidentlik devoni va Ukraina elchixonasi bilan bog‘langan, ammo hali javob olmagan.

Ukraina hukumati vakili chorshanba kuni kechqurun Reuters agentligiga Zelenskiyning Norvegiyaga uchayotgan parvozi dron ogohlantirishi tufayli kechiktirilganini tasdiqladi.

Matbuot kotibining so‘zlariga ko‘ra, Zelenskiyning parvoziga Rossiya droni Moldova hududiga qulagani tasdiqlanganidan keyin ruxsat berilgan.

BBC xabar berishicha, chorshanba kuni kechqurun Rossiya dronlari Moldova va Ukraina o‘rtasidagi chegara hududiga hujum qilgan.

Moldova Mudofaa vazirligi ham Zelenskiyning samolyoti parvoz qilishi rejalashtirilgan vaqtda dron mamlakat havo hududini buzib kirganini yozdi.

• Moldova
• Norvegiya
• Samolyot
• Ukraina
• Zelenskiy
• dron