Bugun, 18-fevral kuni Xalq deputatlari Boyovut tumani Kengashining navbatdan tashqari sessiyasi bo‘lib o‘tdi. 

Unda Mamadaminov Ulmasjon Yarmaxammatovich boshqa ishga o‘tayotganligi munosabati bilan Boyovut tumani hokimi lavozimidan ozod etildi.

Uning o‘rniga Uralova Dilfuza Djumanovnani Boyovut tumani hokimi etib tayinlash to‘g‘risidagi viloyat hokimining qarori deputatlar tomonidan bir ovozdan qo‘llab-quvatlandi. Va Uralova Dilfuza Djumanovna Boyovut tumani hokimi etib tayinlandi.

Uralova Dilfuza Djumanovna 1968-yil 8-fevralda Sirdaryo viloyatida tug‘ilgan. Ma’lumoti oliy, mutaxassisligi bo‘yicha o‘zbek tili va adabiyoti o‘qituvchisi. “Shuhrat” medali sohibasi, Sud-huquq masalalari va korrupsiyaga qarshi kurashish qo‘mitasi a’zosi, senator.

Bunga qadar Sirdaryo viloyati hokimining o‘rinbosari, xotin-qizlar qo‘mitasi raisi lavozimlarida ishlagan.

Eslatib o‘tamiz, Uralova Dilfuza Djumanovna hozircha hokimlar orasida yagona ayol kishi bo‘lib, O‘zbekiston tarixida (mustaqillikdan so‘ng) Xorazm va Samarqand viloyatlari tumanlarida ayol hokimlar faoliyat olib borgan.