Farzand eng oliy ne’mat. Uning beg‘ubor tabassumi, harakatlari kishiga olam-olam quvonch bag‘ishlaydi. Ammo bolakayning ba’zi qiliqlari asab tolalaringizni taranglashtiradi. Bolalar chegara nimaligini bilmaydi. Shuning uchun ba’zi-ba’zida devorlarga rasm chizib, kattalarni xafa qilib qo‘yishadi. Ammo gulqog‘ozga chizilgan ruchka izini ketkazishni biladigan kattalar hech qachon farzandlarining bunday ishidan xafa bo‘lmaydi. Shuning uchun siz ham buni bilib qo‘yishingiz kerak.

Buning uchun bizga quyidagilar kerak bo‘ladi:
1. Blezina (oqartiruvchi kimyoviy modda, tozalash vositalari sotiladigan do‘konlardan olish mumkin);
2. Paxtali tayoqchalar;
3. Taqsimcha;

Ishni amalga oshirish
Taqsimchaga keraklicha blezina quyib olinadi. So‘ng paxtali cho‘pni blezinaga botirib olib, devorga chizilgan chiziqlarni ehtiyotkorlik bilan ishqalang. Devor shu holatda ikki soat tursa, izlar qolmaydi. 
Agar shunda ham ruchka izi ketmasa, bu ishni ikkinchi bor takrorlang.