Vayolett Jyessopning ajoyib hayot yo‘li to‘liq metrajli film olishga arziydi. Sababi, u birdaniga o‘tgan asrning uchta ulkan kemasida yashashga muvaffaq bo‘ldi. Bolalik chog‘ida qiz sil kasalligiga chalinadi, shifokorlarning yomon tashxisiga qaramay, u tuzalib ketdi. 23 yoshida Vayolett transatlantik reyslar o‘tkazuvchi kompaniya — White Star Line'ga styuardessa bo‘lib ishga kiradi.

Vayolett ulkan «Olimpik» kemasining bortida ishlaydi. 1911 yil kemaning omadsiz manevra qilinishi natijasida boshqa kemaga to‘qnashib ketadi va buning oqibatida 14-metrli teshik hosil bo‘ladi. Hayriyatki, bu halokat qurbonlarsiz bo‘ladi.

Qiz kompaniyada ishlashda davom etadi va 1912 yil 12 aprel kuni ekipajning boshqa a'zolari bilan «Olimpik»ning boshqa egizagi — «Titanik»ga ishga o‘tadi. Avvaliga, qiz bu kemaga chiqishni istamaydi, biroq do‘stlari «Titanik»da ishlash yaxshi tavsiyanoma bo‘lishini aytishgani tufayli u kemada qoladi. 

14 dan 15 aprelga o‘tar kechasi ulkan layner halokatga uchraydi, Vayolett esa boshqa styuardessalar bilan 16 raqamli qayiqda kemani tark etishga muvaffaq bo‘ladi. U o‘z xotiralarining birida qayiqga o‘tirgach, ofitserlardan biri yosh chaqaloqni qo‘liga topshiradi. Bolakay bilan qiz «Karpatiya» kemasiga chiqadi. U yerda bir ayol bolani qo‘lidan tortib olib, bir so‘z ham demay, qochib ketganini aytib o‘tgan. 

XX asrning eng katta kema halokati Vayolettni ishdan ketishiga sabab bo‘lmaydi. Birinchi jahon urushida qiz «Britanik» qutqaruv kemasida Qizil Xoch hamshirasi bo‘lib ishlaydi.

1916 yil noyabrida kema nemis minasida portlab ketadi. Qutqaruv opretsiyasi davomida ikkita kema suvga tushadi, biroq baxsiz hodisa yuz beradi: qayiqlarni «Britanik»ning aylanayotgan vintlari torta boshlaydi . Vayolett Jyessop shu qayiqlarning birida bo‘ladi, biroq u sakrab, tushib qoladi.

42 yoshida Vayolett Jyessop yo‘lovchi laynerlarida xizmat qiladi, «Belgenland» kemasida ikki marta dunyo bo‘ylab sayohat qiladi. Bu ajoyib ayol uzoq umr kechiradi va  83 yoshida vafot etadi.