“O‘zgidromet” bunday harorat may oyining boshiga qaraganda ko‘proq yoz mavsumi uchun xos ekanini ma’lum qildi.

Dam olish kunlari respublikaning barcha hududlari bo‘yicha yog‘ingarchiliksiz ob-havo kuzatiladi. Havo harorati ko‘tarilishi davom etadi, kunduz kunlari havo +35 darajagacha, janubda va cho‘l hududlarda +39 darajagacha isiydi.

Harorat foni oyning birinchi o‘n kunligi oxirida biroz pasayadi, ayrim joylarda qisqa muddatli yomg‘ir yog‘ishi, momaqaldiroq kuzatilishi mumkin. Keyinchalik harorat kechalari 17-22 darajadan 10-15 darajagacha, kunduz kunlari 32-37 darajadan 25-30 darajagacha o‘zgarib turadi.

Umuman olganda, joriy may oyida o‘rtacha oylik harorat iqlimiy me’yor atrofida, ba’zi joylarda undan 1-2 darajaga yuqori bo‘lishi kutilmoqda.

• Ob-havo
• O‘zbekiston
• O‘zgidromet
• issiq havo