Londondagi Qirollik kolleji mutaxassislari saqichning foydali jihatlarini o‘rganish maqsadida tajriba o‘tkazishdi. Sinov davomida keyingi 50 yil ichida saqichning og‘iz bo‘shlig‘iga ta’siri yuzasidan olib borilgan tadqiqotlarning xulosalari bilan ham qiziqishdi.  O‘rganishlar natijasida, saqichning shakarsiz turi bolalarda tish chirishi, ya’ni kariyesning oladi, degan xulosaga kelishdi. To‘liq emas albatta, 28 foizga. Mutaxassislarning xulosalari Dental Research: Clinical & Translational Research jurnalida chop etilgan. 
   
Olimlar shakarsiz saqichdan kariyes profilaktikasida foydalanish mumkinligini, uning tarkibidagi ksilit va sorbit antibakterial xususiyatga egaligini ta’kidlashmoqda. Bundan tashqari, saqich chaynash mobaynida paydo bo‘ladigan so‘lak tishlarning tabiiy himoyachisi ekanligini aytishdi. Shuningdek, saqich tishda paydo bo‘ladigan toshlarni ham bartaraf qilishi mumkin, degan xulosaga kelishgan.  
Albatta, saqich chaynashda odob-axloq me’yorlariga amal qilishni unutmang!