Mutaxassislar uzoq vaqt davomida Xitoy qurolli kuchlarini faol modernizatsiya qilish jarayonini “oʻsib borayotgan kuch” deb taʻriflagan. Ehtimol, bu taʻrif eskirgan va hozirda Xitoy koʻplab harbiy sohalarda AQShga qarshi kurashishga qodirligini isbotlagandir.

Sidney universiteti (Avstraliya) qoshidagi AQSh’ni o‘rganish markazi ana shunday xulosaga keldi. Tadqiqot mualliflari Osiyo-Tinch okeani mintaqasidagi Amerika mudofaa strategiyasi misli koʻrilmagan inqirozni boshdan kechirayotgani haqida ogohlantirmoqda va ehtimol, Vashington oʻz ittifoqchilarini Xitoydan himoya qilishi qiyin boʻlshi turgan gap.

“Amerika endi Osiyo-Tinch okeani mintaqasida harbiy ustunlikka ega emas”, deyiladi hisobotda. – Kuchlarning muvozanatini saqlab qolish qobiliyati tobora shubhali ko‘rinmoqda".

Hisobotda Xitoy va AQShning asosiy harbiy bazalariga hamda ularning ittifoqchilariga tahdid soladigan qurol-yarogʻ va raketalarga alohida e’tibor qaratilgan. Hisobot mualliflarining fikriga koʻra, “ushbu tuzilmalar mojaroning dastlabki soatlarida yuqori aniqlikdagi zarbalar bilan oʻchirilishi mumkin”.

AQShdan farqli oʻlaroq, Xitoy harbiy jihatdan global super kuchga ega emas. Bundan tashqari, uning harbiy maqsadlari juda uzoqqa choʻzilishi ham ehtimoldan yiroq emas (ammo bu oʻzgarishi mumkin, chunki Xitoy hali ham chet eldagi portlar va harbiy bazalar tarmogʻini asta-sekin kengaytirmoqda).

Hozirgi vaqtda Xitoyning butun dunyoga ta’siri uning iqtisodiy kuchiga bogʻliq. Chunki, Xitoy AQSHga o‘xshab oʻz ideologiyasini targʻib qilmasdan iqtisodiy tarafdan mavqeini yuksaltirib bordi. 

Bundan tashqari, AQSh razvedka ma’lumotlarini yigʻish, raketaga qarshi mudofaa va zamonaviy harbiy samolyotlar kabi sohalarda texnologik ustunliklarga ega. Shuningdek, AQSh Yevropa va Osiyodagi harbiy ittifoqlar tarmogʻiga tayanishi ham mumkin.

Xitoy harbiy ittifoqlarning bunday tarmogʻiga ega emas. Biroq, u tez orada texnologiya sohasida AQShga yetib oladi. Bundan tashqari, AQShdan farqli oʻlaroq, Xitoy birinchi navbatda Osiyoda joylashgan, yaʼni Osiyoning asosiy iqtisodiy markaziga aylangan. Bu ikki omil orqali Xitoy bemalol AQSH bilan raqobat qila olishi mumkin.