Karol Navroskiy bugun Polsha prezidenti sifatida qasamyod qabul qildi va lavozimiga kirishdi.

Siyosatchining asl sohasi tarix fanlari bo‘yicha tadqiqotchilik  hisoblanadi. U 2021-yildan 2025-yilgacha Milliy xotira institutining rahbari bo‘lgan. 2017-yildan 2021-yilgacha Gdansk shaharchasidagi Ikkinchi jahon urushi muzeyi direktori bo‘lgan.

Navroskiyning tadqiqotlari asosan antikommunistik muxolifat, uyushgan jinoyatchilik, shu jumladan uning oqibatlari va sport tarixiga bag‘ishlangan.

2024-yilning fevral oyida u Rossiya Federatsiyasi tomonidan 1944-1989-yillarda o‘rnatilgan qizil armiya xotirasiga bag‘ishlangan yodgorliklarni olib tashlashda ayblanib qidirilayotgan shaxslardan biri sifatida ro‘yxatga olingan edi.

O‘tgan yilning noyabr oyida Karol Navroskiy prezidentlik saylovlarida mustaqil nomzod sifatida ishtirok etishini e’lon qilgan.

1-iyun kuni bo‘lib o‘tgan prezidentlik saylovlarining yakuniy bosqichida esa, Navroskiy 50,89 foiz ovoz oldi va Prezident etib saylandi.

• Polsha
• Prezident
• Siyosat
• saylov