Milliarderlar o‘rtasida hatto kimning yaxtasi eng katta va eng qimmati, degan ma'noda kuchli raqobat boradi. Xo‘sh, ular kim va yaxtalarining nimasi bilan maqatana olishadi?

10-o‘rin: Al Mirqab 

Narxi 250 mln. dollar

Al Mirqab Qatarning sobiq bosh vaziri Hamad ibn Yassim ibn Jobir ibn Muhammad al-Taniyga tegishli. 133 metrli yaxtani qurish ishlari 2008 yilda o‘z nihoyasiga yetkazilgan. Uning bortida 24 nafar mehmonni qabul qila oladigan 12 ta kayuta bor. Har bir kayutaning o‘z yuvinish va yotoq xonalari mavjud.

Bundan tashqari yaxtada teatr, basseyn, vertolyot qo‘nish maydonchasi va 55 ekipaj a'zosiga mo‘ljallangan xonalar joylashgan.

9-o‘rin: Pelorus 

Narxi 300 mln. dollar

Rossiyalik oligarx Roman Abramovich dastlab ushbu yaxtani Saudiya arabistonilik bir biznesmen uchun 2004 yil uchun qurdirgan edi. Oilaviy ajrashuvdan so‘ng yaxta uning sobiq xotiniga o‘tib ketdi va kinomagnat Devid Geffenga 2011 yilda 300 mln. dollarga sotildi.

115 metrli ushbu yaxtada vertolyot qo‘nish maydonchasi, butun bir boshli garaj, turli ko‘ngilochar gadjetlar, jumladan, suv mototsikli mashg‘uloti o‘rin olgan.

8-o‘rin: Al Said 

Narxi 300 mln. dollar

Al Said Ummon sultoni va milliarderi Qobus ibn Said al-Said uchun qurilgan yaxta hisoblanadi. Ulkan 155 metrli yaxta o‘ziga 70 nafar mehmon va 154 nafar ekipaj a'zosini qabul qila oladi.

Unda vertolyot qo‘nish maydonchasi, lift va 50 nafar ijrochidan iborat orkestrli konsert zali mavjud.

7-o‘rin: Dubai 

Narxi 300 mln. dollar

Jahondagi eng katta yaxtalardan biri, uning uzunligi 162 metrni tashkil etadi. Bruney shahzodasi Jefri Bolkiaxning buyurtmasi asosida barpo etilgan. Uni qurish ishlari 10 yil davom etgan. Dubay amiri shayx Muhammad Rashid al-Maqtum uni sotib olgach, ishlar to‘xtatildi.

Yaxta o‘z bag‘riga 115 nafar mehmon va ekipaj a'zosini sig‘dira oladi. Unda 7 ta paluba, basseyn, vertolyot qo‘nish maydonchasi va hatto uncha katta bo‘lmagan suv osti kemasi ham bor.

6-o‘rin: Radiant 

Narxi 320 mln. dollar

Rus oligarxi Boris Berezovskiy tomonidan qurilgan 360 futli ushbu yaxta BAAlik avtomobil milliarderi Abdulloh al-Futamiyga sotib yuborilgan.

Yaxtada Jyeyms Bondga taalluqli barcha standart jamlanmalar mavjud.

U ovozli zambarak bilan ta'minlangan bo‘lib, unga hujum qilgan odamning quloq pardalarini yertib yubora oladigan darajada balandlashi mumkin. Bundan tashqari unda suv otadigan uskuna bo‘lib, u yaxtadan 100 yard uzoqlikda bo‘lgan qayiqni bemalol ag‘dara oladi. Yaxtada favqulodda evakuatsiya holatlari uchun maxsus tezyurar katerlar ham mavjud. Yuqoridagilardan tashqari unda jakuzi, trenajyor zali, garaj va 20 nafar mehmonga mo‘ljallangan joy mavjud.

5-o‘rin: Serene 

Narxi 330 mln. dollar

440 metrli ushbu gigantga Rossiya spirtli ichimliklari oligarxi Yuriy Sheffler xo‘jayinlik qiladi.

Yaxta maxsus o‘rnatilgan chiroqlar yordamida tunda oq qayin rangida nur sochadi.

Yaxta 48 000 kvadrat fut maydonga ega bo‘lib, 7 palubadan tashkil topgan. Unda ochiq va yopiq basseynlar bor. 12 kayuta va tomosha qilish maydonchasi ham mavjud. Sheffler uni 2011 yilda 330 mln. dollarga sotib olgan.

4-o‘rin: «A» 

Narxi 390 mln. dollar

Filipp Stark loyihasi asosida barpo etilgan ushbu super yaxta rus oligarxi Andrey Melnichenkoga tegishlidir. Yaxta jihozlarining o‘ziga 40 000 dollar, zinalariga 60 000 dollar pul ketgan. Yotoqxonada yotib quyosh chiqishi va botishini bemalol kuzatsa bo‘ladi.

Bu yaxta bilan hatto sud mash-mashmasi ham bo‘lib o‘tgan. Melnichenko buyoqlar ishlab chiqaruvchi golland kompaniyasi Akzo Nobelni sifatsiz buyoqlar bergani uchun sudga bergan.

3-o‘rin: Topaz 

Narxi 520 mln. dollar

147 metrli yaxta 2012 yilda Lürssen Yachs qurilish kompaniyasi tomonidan barpo etilgan. Hozirda uning narxini 527 mln. dollar deb baholashayapti. Unda jakuzi, vertolyot qo‘nish maydonchasi, garaj, fitness markazi va kinoteatr mavjud.

Yaxta BAA bosh vazir o‘rinbosari, Wealth-X bergan ma'lumotga qaraganda boyligi 8,7 mlrd dollar bo‘lgan Mansur Zaid al-Naxayyanga tegishli.

2-o‘rin: Azzam 

Narxi 600 mln. dollar

Yaxtaning uzunligi 590 futni (ayrim yuk ortish laynerlarining uzunligi shunaqa) tashkil etadi va u BAA prezidenti shayx Xolif ibn Zaid al-Nixayyanga tegishli.

Nemis kema quruvchi kompaniyasi Lürssen Yachs ushbu yaxtani qurish uchun 4 yil vaqt sarfladi. Aytishlariga qaraganda, unda 50 kayuta bor ekan. Weakth-X bergan ma'lumotga ko‘ra prezidentning moliyaviy ahvoloti 18 mlrd dollarni tashkil etadi.

1-o‘rin: Eclipse 

Narxi 1 mlrd dollar

536 futli bu yaxta jahondagi eng katta yaxta titulini qo‘lga kiritgach, uni rus oligarxi Roman Abramovich 2010 yilda sotib oldi.

“Eclipse”da ikkita vertolyot qo‘nish maydonchasi, disko klub, kinoteatr, go‘zallik saloni va restoran mavjud. Ovozalarga qaraganda yaxtada maxsus lazer uskunasi o‘rnatilgan bo‘lib, yuqori martabali mehmonlarning suratini olish imkonini bermas ekan.

XABARDOR.UZ / Sarvar Anvar o‘g‘li tayyorladi.