Tojikiston hukumati smartfonlarning IMEI kodini ro‘yxatdan o‘tkazish tartibi to‘g‘risidagi nizomni tasdiqladi.

Ta’kidlanishicha, dastlabki olti oyda ro‘yxatdan o‘tish bepul, keyin esa har bir IMEI kodni ro‘yxatdan o‘tkazish pulli asosda amalga oshiriladi.

Mobil qurilmalarni ro‘yxatga olish tizim operatori yoki tizim ro‘yxatga oluvchisiga murojaat bo‘yicha amalga oshiriladi.

Avval ro‘yxatdan o‘tgan mobil qurilmalar qayta ro‘yxatga olinmaydi.

Eslatib o‘tamiz, O‘zbekistonda ham IMEI kodlarni ro‘yxatdan o‘tkazish tartibi joriy etilgan. Keyinroq “Mening fikrim” jamoaviy murojaatlar portalida jismoniy va yuridik shaxslardan mobil qurilmalarning IMEI raqamlarini ro‘yxatga olishda undiriladigan to‘lovlarni bekor qilish bo‘yicha petitsiya joylashtirilgani va u parlament tomonidan ko‘rib chiqilishi haqida xabar berilgandi.