Janubiy Koreya xalqaro kassa yig‘inlari bo‘yicha yetakchilikni qo‘lga kiritib turibdi. O‘tgan hafta ko‘rsatkich 164 foizga ortgan. Hammasi bo‘lib olingan foyda 3,17 mln. dollarni tashkil qiladi va “Notanish” (Чужак) trilleri eng kassabop film bo‘ldi. Ushbu film 2,2 mln. dollar keltirdi... Xo‘sh, qolgan davlatlarda qanday?

Dunyo davlatlariga to‘xtalib o‘tamiz
• Yaponiyada “Qasoskorlar” filmi franshizasi sabab yaxshi natijalar qayd etilmoqda.

• Janubiy Koreyadagi kinoteatrlar may oyi o‘rtalarida ochildi. Biroq u vaqtda kinoteatrlar repertuarni shakllantirish bilan bog‘liq muammolarga duch kelishdi. Chunki yangiliklarni yaxshi kunlar kelgunicha saqlash kerak edi. Shu sabab tomoshabinlarni mamnun qilish “Eng buyuk shoumen” (Величайший шоумен, 2017-yil 310 000 dollar), 266,7 ming dollar keltirgan “Pretoriyadan qochish” (Побег из Претории) premyerasi, 53 000 dollar keltirgan “Qotil tansoqchisi” (Телехранитель киллера) kabi filmlar “zimmasiga” tushgan edi.

• Gonkongda ko‘rsatkichlar o‘tgan haftadagiga qaraganda 9 foizga tushib ketgan. U yerda kassa yig‘ini 662 000 dollar deb baholangan. Uning 139 000 dollarini animatsion film – “Digimonlar sarguzashtlari: So‘nggi evolyutsiya” keltirdi. U vaqtlarga qadar Yaponiyada Marvel’da “Qasoskorlar: Final”, “Qasoskorlar: Altron erasi” filmlari ro‘yxatning yuqori pog‘onasiga chiqib oldi. Biroq shunga qaramay ham Tokio ahli kinonamoyishlarga istamagancha tashrif buyurishyapti: 2-iyunda davlatda COVID-19 bilan zararlanganlar soni to‘satdan ortgan.

• O‘z navbatida Tayvanda pandemiya vaqtida ham maktab, restoran, kinoteatrlar yopilmagan, “Oldinga” (Вперед) multfilmi premyerasi hamon yaxshi natijalar ko‘rsatishda davom etmoqda. Pixar studiyasiga tegishli multfilm kinotasmaga 25-maydan chiqqan va uch kun sotuvning o‘zida 252 000 dollar ishlab topdi. “Oldinga” triumfidan keyin “Qora ritsar” trilogiyasi 150 000 dollar foyda bilan keyingi o‘rinni egalladi. 

• Germaniyada kassa yig‘imi ko‘rsatkichi 17 foizga tushib ketdi. Nemis kinoteatrlarining daromad miqdorini 2019-yilning may oyidagi ko‘rsatkichlar bilan taqqoslaganda 47 foizga kamayganligini ko‘rish mumkin.
So‘nggi haftalarda 88 000 dollar daromad bilan “Tungi hayot” (Ночная жизнь) filmi, undan keyin 64 000 foyda bilan “Pichoqlarni olish” (Достать ножи) komediyasi ikkinchi o‘rinni egalladi. Germaniyada yarim kinoteatrlar 15-maydan ochilgan edi. Poytaxtdagilari esa 30-iyundan ishga tushadi.

• Kassa yig‘inlarining o‘tgan haftaga qaraganda ko‘rsatkichning to‘satdan ortishi (133 foiz) Avstraliyada ham kuzatilgan. Reytingda “Ko‘rinmas odam” (41 000 dollar) filmi yetakchilik qilgan. Yetakchilar beshtaligidan 2020-yildagi yangiliklar “Bladshot”, “Abadiy yomon yigitlar” (Плохие парни навсегда), “Sonik kinoda” (Соник в кино) va “Jumanji: Yangi daraja” (Джуманджи: Новый уровень) filmlari o‘rin oldi.  

• Chexiyada katta kinotarmoqlar haligacha yopiq, kichkinalari esa o‘tgan hafta dam olish kunlari 160 000 dollar ishlab topildi. Kinoprokatda mahalliy hujjatli film – “Tarmoqda ushlanganlar” yetakchilik qilmoqda. 

• Ispaniyada daromad 16 000 dollardan oshmadi. Madrid kinoteatrlari iyunning oxirida ochilishni reja qilishgan.