O‘zbekiston xalq artisti Nabi Rahimov 1911-yilda 7-noyabrda Qo‘qonda tavallud topgan.

Nabi Rahimov 60 yil bosh rolni o‘ynagan
Nabi Rahimov 1926-1929-yillarda Qo‘qon teatri spektakllarida qatnashgan. 1930-yildan to umrining oxirigacha Hamza nomidagi O‘zbek Davlat (hozirgi O‘zbek milliy) akademik drama teatrida yetakchi aktyor sifatida faoliyat ko‘rsatdi. U oltmish yildan ziyod ijodiy faoliyati davrida juda ko‘p spektakllarda bosh rollarni o‘ynab, betakror obrazlar yaratdi.

“Usta boqi”ni barcha birdek taniydi
Teatr tomoshabini ko‘z o‘ngida Nabi Rahimov deganda “Yago”, “Bobo Kayfiy”lar obrazi gavdalanadi. O‘zbek kino san’ati ravnaqida ham Nabi Rahimovning xizmatlari benihoya kattadir. U yaratgan “Stadionda uchrashamiz”dagi Aliyev, “O‘tgan kunlar” dagi usta Olim, “Qutlug‘ qon”dagi Shoqosim, “Abu Rayhon Beruniy”dagi Xo‘jandiy, “Kelinlar qo‘zg‘oloni”dagi usta Boqi kabi obrazlaro‘zbek kino san’atida mashhurdir.

Nabi Rahimov 1994-yilda Toshkentda vafot etgan.