Prezidentning “Ta’lim sifatini ta’minlash va ta’lim xizmatlari ko‘rsatish tizimini takomillashtirish bo‘yicha qo‘shimcha chora-tadbirlar to‘g‘risida” farmoniga ko‘ra, 2025/2026-o‘quv yilidan boshlab ta’limning sirtqi shakliga qabul tugatildi.

Ushbu talab davlat oliygohlari uchun ham, xususiy oliygohlar uchun ham birdek amal qiladi. Hozirgi paytda o‘qiyotgan yuqori bosqich talabalari o‘qishini sirtqida davom ettiradi.

Sirtqi ta’limning o‘rniga kunduzgi ta’limdan boshqa muqobil ta’lim shakllari bo‘yicha qabul kvotalari bosqichma-bosqich oshirib boriladi. Shuningdek, maqbullashtirilgan kunduzgi ta’lim shakli (part-time education) bo‘yicha o‘qitishga ruxsat beriladi.

Oliygohlarda muqobil ta’lim shakllari bo‘yicha umumiy qabul kvotasini kunduzgi ta’lim shakli qabul natijasining 50 foizidan oshirishga yo‘l qo‘yilmaydi. Magistratura bosqichida muqobil ta’lim shaklida o‘qitishga ruxsat beriladi.

• Farmon
• Oliy ta'lim
• O‘zbekiston
• Prezident
• Sirtqi ta'lim