Bugun, 5-may tongidan boshlab Moskva va unga yondosh hududlar aholisi MTS, “Bilayn”, “Megafon” va T2 mobil operatorlari aloqasida uzilishlar yuz berayotganidan shikoyat qilishdi. “Bilayn” kompaniyasi aloqa uzilishlari ulardan mustaqil bo‘lmagan sabablarga ko‘ra yuz berayotganini aytib, foydalanuvchilarga Wi-Fi’dan foydalanishni tavsiya etgan.

Moskvada yashovchi aholi Favqulodda vaziyatlar bo‘yicha yagona davlat ogohlantirish va bartaraf etish tizimidan maxsus xabarnoma olishgani haqida ma’lum qilishmoqda. Mazkur xabarda “9-may bayram tadbirlari xavfsizligini ta’minlash maqsadida internetga kirishda cheklovlar bo‘lishi mumkinligi” qayd etilgan.

“Hozirda Moskvada G‘alaba paradi oldidan tayyorgarlik mashg‘ulotlari o‘tkazilmoqda, aloqada uzilishlar 9-maygacha davom etishi mumkin”, – deya xabar bermoqda “Nastoyasheye vremya”.

• Internet
• Moskva
• Rossiya
• aloqa