Toshkent shahrida “Oliy tibbiy ta’lim tizimini Markaziy Osiyoda xalqaro ta’lim dasturlarini amalga oshiruvchi “XAB”ga aylantirishga doir islohotlar” mavzusida xalqaro o‘quv-uslubiy konfrensiya bo‘lib o‘tdi. 

Mazkur tadbirni ochilish marosimida Toshkent davlat stomatologiya institutiga xalqaro ISO sertifikati topshirildi. Bu haqda Oliy va o‘rta maxsus ta’lim vazirligi xabar berdi.

Qayd etish lozim, 2017–2018-o‘quv yilidan boshlab institutda ayrim mutaxassislik fanlarini ingliz tilida o‘qitish yo‘lga qo‘yilgan. Hozirda institutda xalqaro qo‘shma ta’lim dasturlari soni bakalavr bosqichida 4 ta, magistraturada 9 ta, klinik ordinatura yo‘nalishi bo‘yicha 3 taga yetdi.