“Ijtimoiy tarmoqlarda Namangan shahrida profilaktika inspektori tomonidan fuqaro qiynoqqa solinganligi aks etgan xabarlar tarqalmoqda.

Mazkur xabar Namangan viloyati IIBning mas’ul xodimlari tomonidan o‘rganilganda haqiqatdan ham joriy yilning 14-avgust kuni Namangan shahrida yashovchi, 1991-yilda tug‘ilgan, fuqaro O‘.A. o‘zaro oilaviy nizo sababli ichki ishlar bo‘limiga olib kelingan. U bilan profilaktik suhbat olib borilib, shu kuni uyiga ruxsat berilgan. Oradan ikki kun o‘tib, 16-avgust fuqaro O‘.A. sog‘ligi yomonlashganligi sababli tibbiyot muassasasiga murojaat qilganligi aniqlangan.

Hozirda fuqaro O‘.A. ga nisbatan yetkazilgan tan jarohatlari bo‘yicha aybdorlarning harakatlariga qonuniy chora ko‘rish maqsadida Namangan shahar prokuraturasi tomonidan holat yuzasidan O‘zbekiston Respublikasi Jinoyat kodeksining 104-moddasi 1-qismi (Qasddan badanga og‘ir tan jarohati yetkazish) bilan jinoyat ishi qo‘zg‘atilgan.

Tergov harakatlari yakuni bo‘yicha qonuniy qaror qabul qilinishi ta’minlanadi” - deyiladi rasmiy munosabatda.

• IIBB
• Namangan
• rasmiy munosabat
• xabar