2021-yil 22-aprel kuni Polshaning Kelse shahrida boks bo‘yicha yoshlar o‘rtasida jahon chempionati qizlar o‘rtasida final janglari bo‘lib o‘tdi.

Final bahslarida ikki nafar o‘zbekistonlik bokschi qizlar Nigina O‘ktamova hamda Mohinabonu Abdullayeva ishtirok etdi.
-54 kg vazn toifasida ukrainalik Kristina Lakichukka qarshi ringga ko‘tarilgan samarqandlik Nigina O‘ktamova o‘z raqibini 4:1 hisobida yengdi. 
U bu g‘alabasi bilan o‘zbek bokschi qizlari orasida jahon chempionligini qo‘lga kiritgan ilk sportchi bo‘ldi. 

-64 kg vaznda ringga ko‘tarilgan Mohinabonu Abdullayevaga esa rossiyalik Azaliya Amineva bilan kechgan bellashuvda biroz omad yetishmadi. 

Ma’lumot uchun, bugun 23-aprel kuni ushbu turnirning erkaklar o‘rtasida final janglari o‘tkaziladi. Unda ham ikki nafar o‘zbekistonlik bokschi oltin medal uchun kurash olib boradi. 
-52 kg vazn toifasi Shahzod Muzaffarov rossiyalik Yevgeniy Jorovga qarshi bahs olib borsa, +91 kgda Jahongir Zokirov armanistonlik Xovanes Papazyanga qarshi ringga ko‘tariladi.