Bugungi Jennifer Lopez konserti munosabati bilan “Toshshahartransxizmat” tomonidan konsert ishtirokchilari uchun maxsus avtobuslar harakati yo‘lga qo‘yildi. Bu avtobuslar orqali siz konsertga xavfsiz va o‘z vaqtida yetib borishingiz mumkin. Bu haqda “Toshshahartransxizmat” AJ matbuot xizmati xabar berdi.

Avtobuslar quyidagi manzillardan harakatlanadi:

– “City Mall” savdo ko‘ngilochar majmuasi oldi maydoni;

– “Hyatt Regency” mehmonxonasi oldi maydoni;

– “Humo Arena” muz saroyi oldi maydoni.

Harakat boshlanishi: soat 16:00 dan va bepul, avtobuslar to‘xtovsiz qatnovni amalga oshiradi.

Avtobuslarning old oynasida “Bunyodkor stadioni” degan yozuv bo‘ladi — aynan shu belgiga qarab tanib olishingiz mumkin.

“Konsert tugagach, ushbu avtobuslar sizni o‘zingiz chiqqan manzilga qaytarib olib keladi”, – deyiladi xabarda.

• Avtobus
• Toshshahartrans
• konsert