Paxta yog‘i – mahalliy va import qilingan yog‘lar orasidagi eng arzon o‘simlik yog‘i hisoblanadi. 

U aholining katta qismi tomonidan iste’mol qilinadi. Paxta yog‘i asosini tashkil qiluvchi xom-ashyo – paxta texnik chigiti hisoblanadi. Texnik chigit tarkibidagi gossipol moddasi – tabiiy zahar bo‘lib, texnik chigitga belgilangan talablar asosida kerakli ishlov berilmaganda inson salomatligi uchun jiddiy xavf tug‘diradi.

Bu haqida Agrosanoat majmui ustidan nazorat qilish inspeksiyasi, "O‘zstandart" agentligi, Sanitariya-epidemiologik osoyishtalik va jamoat salomatligi xizmati ishtirokidagi matbuot anjumanida ma’lum qilingan.