Kecha, 13-may soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 16 nafarga oshib, 2612 kishini tashkil qilmoqda. 

Ma’lum qilinishicha, 16 nafar yangi kasallanish holatlarining 11 nafari xorijdan kelib, karantinga olingan, qolgan 5 nafari ham oldindan karantin muassasalarida kuzatuvda bo‘lgan fuqarolar orasidan aniqlangan.

Ayni paytda O‘zbekistonda 2076 nafar fuqaro koronavirus infeksiyasidan butunlay sog‘aydi. Respublika bo‘ylab davolanayotgan 525 nafar bemordan 12 nafari og‘ir ahvolda.