Bugun, 28-fevral kuni Oliy Majlis Senatining ikkinchi yalpi majlisi o‘z ishini davom ettirayotgani haqida xabar bergan edik. Mazkur majlisda “Xalqaro tijorat arbitraji to‘g‘risida”gi O‘zbekiston Respublikasining Qonun loyihasi ham muhokamaga qo‘yilgan, deb xabar bermoqda Senat Matbuot xizmati.

Mazkur Qonun zarurati bir qator omillar bilan asoslanadi. O‘zbekiston Respublikasida xalqaro tijorat arbitraj sudlarining faoliyatini tashkil etish va tugatish tartibini huquqiy tartibga solish, ular faoliyatining asosiy prinsiplarini belgilash, xorijiy investorlar, shuningdek milliy kompaniyalarni chet ellik hamkorlar bilan o‘zaro munosabatlarida ularning huquq va qonuniy manfaatlarini ishonchli himoya qilishni ta’minlash kabi omillar shular jumlasidan.

Biroq, senatorlar tomonidan Qonunda qator konseptual kamchiliklar mavjudligi ekanligi ta’kidlangan. Masalan, Qonunning 3-moddasida uning qo‘llanilish sohasi belgilangan bo‘lsa-da, xalqaro tijorat arbitraji tushunchasi va tamoyillari ochib berilmagan.

Shuningdek, 6-moddada Qonunning qo‘llanilish sohasini batafsil izohlash o‘rniga hal qilish uchun xalqaro tijorat arbitrajiga topshirilishi mumkin bo‘lgan nizolar sanab o‘tilgan. Senatorlarning fikricha, ushbu normada xalqaro tijorat arbitraji ko‘rib chiqishi mumkin bo‘lgan nizo predmeti to‘liq yoritilmagan. Bu va boshqa kamchiliklar tufayli Qonunni jiddiy takomiliga yetkazish zarurligi ta’kidlandi. Qonun senatorlar tomonidan rad etildi, deyiladi xabarda.

Senatorlar 50 ming kishini qiynayotan muammoni hal qiluvchi qonunni ma’qullashdi