2025-yilning yanvar-mart oylarida O‘zbekistondagi xorijiy IT-kompaniyalardan soliq tushumlari qariyb 1,5 barobarga oshdi.

68 ta xorijiy elektron xizmat ko‘rsatuvchi kompaniyalarning soliq to‘lovlari joriy kurs bo‘yicha 36,2 mlrd so‘mni yoki 2,79 mln dollarni tashkil etdi. Ushbu summaning 94,5 foizi o‘nta eng yirik IT-kompaniyalarga to‘g‘ri keldi.

Taqdim etilayotgan xizmatlar hajmi ham 47 foizga oshib, 208,6 milliard so‘mdan 306,6 milliard so‘mgacha o‘sdi. 

Birinchi chorakda to‘langan soliqlar summasi bo‘yicha Apple kompaniyasi 10,67 mlrd so‘m to‘lab, yetakchi bo‘ldi. Ikkinchi o‘rinda Meta 10,51 mlrd so‘m. Ikki kompaniya barcha xizmatlar va soliq tushumlarining yarmini ta’minladi.

Google 8,93 milliard so‘m bilan uchinchi o‘rinni egalladi. Top-5 ga birinchi marta OpenAI (1,09 mlrd so‘m) va O‘zbekistonda bloklangan TikTok (934,8 mln so‘m) kirdi.

• Apple
• O‘zbekiston
• Soliq