“Consumer Repors” jurnali 2014 yilda dunyoning katta avtokorxonalari taqdim etgan yangi modellarni o‘rganib, iste'molchilar o‘rtasida so‘rovnomalar o‘tkazdi hamda kuzatuv natijalarini e'lon qildi.

So‘rovnomalarda xaridorlar qaysi mashinaning qanday kamchiligi va afzalliklari bor ekanini qayd etishgan. Ba'zi mashinalarda yig‘ishdagi kamchiliklar, ba'zilarida sifatsiz bo‘yash holatlari, dvigateldagi muammolar, yana ba'zilarida esa uzatuv qurilmasidagi va boshqa turdagi mexanik nosozliklar uchragan. Shuningdek, navigatsiya moslamalarida, simsiz bog‘lanuvchi qurilmalarda va video displeylarda ham xatoliklar mavjudligi aniqlangan.

Gibrid toifasidagi mashinalar orasida ko‘p shikoyatlar “Ford C-MAX Hybrid” modeli borasida kelib tushgan. Mashinaning o‘tgan yilgi varianti ham axborot tizimidagi nuqsonlar tufayli ko‘p martalab avtohalokatlarga uchragan va 2013 yilning eng omadsiz avtomobili, deb baholangan edi. Kompaniya kamchiliklarni bartaraf qilgan holda, keyingi yil uchun yangi markalarni tayyorlash ustida ishlamoqda.

Lyuks toifasidagi avtomobillar orasidagi eng yomon natija “Mercedes CLA 250” modeliga tegishli. Bu aslo ajablanarli holat emas. Chunki modelning multimedia tizimi bu borada o‘tgan yili tanqidlar nishoniga aylangan “InfinitiQX60” modelidan aynan ko‘chirib olingan.

“Fiat Chrysler” ishlab chiqargan “Fiat 500L” umumiy reytingda barcha toifalar bo‘yicha eng yomon ko‘rsatkichni qayd etdi. Bu model kichkina “Fiat 500”ning uzunlashtirilgan varianti bo‘lib, haydovchilar bu mashinaning qanot oynalari, uzatuv qurilmasi, elektr tizimi, konditsioneri va multimediya imkoniyatlaridan ham norozi bo‘lishgan.

Shuningdek, “Dodge”, “Jeep”, “Ram” va “Chrysler”ning boshqa modellarida ham mexanik buzilishlar va multimediya imkoniyatlarining qoniqarli emasligi kuzatilgan.

“Toyota”, “Lexus” va “Scion” avtokonsernlari yaratgan modellar esa har jihatdan muvaffaqiyatli, deb topilgan. Bu kompaniyalar mahsulotlari ideal darajada bo‘lsa, “General Motors”ning “Cadillac” va “Buick” brendlari yaxshi rivojlanish jarayonida ketayotgani e'tirof etilgan.

Yilning eng yaxshi kompakt avtomobili – Scion xB 

Yilning eng yomon kompakt avtomobili – Fiat 500L 

Yilning eng yaxshi gibrid avtomobili – Lexus CN 200h

Yilning eng yomon gibrid avtomobili – Ford C-MAX Hybrid 

Yilning eng yaxshi o‘rta klass avtomobili – Wolkswagen Passat 1.8T 

Yilning eng yomon o‘rta klass avtomobili – Nissan Altima  

Yilning eng yaxshi lyuks salonli avtomobili – Lexus IS 350

Yilning eng yomon lyuks salonli avtomobili – Mersedes-Benz CLA 250 

Yilning eng yaxshi sport mashinasi tipidagi kabriolet – Honda Civic Si 

Yilning eng yomon sport mashinasi tipidagi kabriolet – Subaru`s BRZ 

Yilning eng yaxshi universal avtomobili (miniven) – Audi Allroad 

Yilning eng yomon universal avtomobili (miniven) – Chrysler Town 

Yilning eng yaxshi kompakt avtomobili (keng sig‘imli) – Mitsubishi Outlander Sport

Yilning eng yomon kompakt avtomobili (keng sig‘imli) – Jeep Cherokee

Yilning eng yaxshi kompakt avtomobili (o‘rta sig‘imli) – Toyota Highlander

Yilning eng yomon kompakt avtomobili (o‘rta sig‘imli) – Nissan Pathfinder

Yilning eng yaxshi lyuks avtomobili (keng sig‘imli) – Lexus RX

Yilning eng yomon lyuks avtomobili (keng sig‘imli) – Infiniti QX60

Yilning eng yaxshi pikap rusumli avtomobili – Toyota Tundra

Yilning eng yomon pikap rusumli avtomobili – Diesel Ram 2500 va Diesel Ram 3500