Har kuni internetdan foydalanamizu, lekin u haqidagi hamma ma’lumotlarni ham bilavermaymiz. 

1.

Dunyoning birinchi veb-sahifasi ingliz olimi Tim Berners-Li tomonidan 1991-yil 6-avgustda yaratilgan va u hamon mavjud (info.cern.ch/hypertext/WWW/TheProject.html). Sahifada World Wide web nima, veb-serverni qanday o‘rnatish kerak, brauzerni va boshqa yordamchi ma’lumotlarini qanday yuklab olish mumkinligi haqida ma’lumotlar berilgan. 

2.

Rus yozuvchisi va faylasufi Vladimir Odoevskiy 1837-yilda yozgan “4338-yil” deb nomlangan utopik romanida zamonaviy bloglar va Internetning paydo bo‘lishini birinchi bo‘lib taxmin qilgan edi. Roman matnida: “Uzoq masofada yashaydigan odamlar bir-biri bilan aloqa qilishlari uchun uylar o‘rtasida magnit telegraflar o‘rnatiladi", deb yozilgan. 

3.

Bunga ishonib bo‘lmaydi, ammo dunyoda “Internet kalitlari” deb nomlangan maxsus tanlangan yettita dasturchi mavjud. Bu elektron kartalar bo‘lib, ulardagi maxsus shifr butun boshli Internetni qayta ishga tushirishga imkon beradi. Global xakerlik hujumi sodir bo‘lgan taqdirda, "Internet soqchilari" darhol AQShdagi harbiy bazaga yetkaziladi, u yerda ular o‘zlarining kalitlarini faollashtirishadi. Keyin esa global tarmoq o‘chirib qo‘yiladi. 

4.

Birinchi veb-kamera 1991-yilda Kembrij universitetining kompyuter laboratoriyasida sinovdan o‘tkazilgan ekan. O‘shanda undan faqatgina qahva qaynashini nazorat qilish va tayyor bo‘lgach, ma’lumot berish maqsadida foydalanilgan.

5.

Ushbu video YouTube’ga yuklangan birinchi video hisoblanadi. Unda siz YouTube asoschisi va PayPal dasturchilaridan biri bo‘lgan amerikalik tadbirkor Javed Karimni ko‘rishingiz mumkin.

6.

“Google” asoschilari Larri Peyj va Sergey Brin yangi qidiruv tizimiga qo‘yiladigan nom ko‘p miqdorni anglatishini istashgan. Ularning hamkasblari matematikada yuzdan ortiq nolga ega bo‘lgan birlik sonning nomini anglatuvchi “gugol” so‘zini qo‘llashni taklif qilishgan. Lekin ular so‘zni xato qilib “Google” deb yozib qo‘yishgan. Biroq Larriga bu nom yoqib qoladi va shunday qoldirishga qaror qiladi.  

7.

2025-yilga kelib Internet insonning asosiy ehtiyojiga aylanadi. Bu xulosa Pew Research Center tadqiqot markazining olimlari tomonidan amalga oshirildi. Nashr qilingan ma’lumotlarga ko‘ra, 2025-yilga kelib odamlar internet imkoniyatlaridan ajablanmay qolishadi. Internet xuddi elektr toki kabi oddiy hayotiy ehtiyojga aylanadi.