Aksariyat zamonaviy telefonlar suvdan saqlovchi maxsus himoya qatlamiga ega. Ular bilan vannaxonaga ham, yomg‘irli ob-havoda ham, hovuzda cho‘milish uchun ham bemalol boraverasiz. Odatda bunday xususiyatga ega telefonlarning narxi boshqalariga qaraganda qimmatroq bo‘ladi. Ammo gadjetning himoya qoplamiga ishonib suv bilan ko‘p kontaktga kirishaverish ham tavsiya etilmaydi. Negaki, namlik har qanday qimmat telefonga ham zarar keltirishi mumkin. Agar uni namlikdan himoyalash usullarini bilsangiz, bu narsa sizga xavf sololmaydi.
 
1. Suv o‘tkazmaydigan g‘ilof

Smartfonni suvdan saqlashning eng oson usuli bu unga maxsus himoyalovchi g‘ilov kiydirib qo‘yishdir. Bunday aksessuar qurilmaga suv kirishi mumkin bo‘lgan joylarini zich berkitadi va sizni namlik qo‘rquvidan qutqaradi. Bunday maxsus g‘ilof bilan suv ostida ham zo‘r rasmlar yaratsa bo‘ladi. Ammo suv ostida telefon ekrani sensori susayishi mumkin. Mana shunday holatlarda telefonning mexanik tugmalaridan foydalansa bo‘ladi.
 
2. Universal keys

Agar siz brendi unchalik ham mashhur bo‘lmagan telefon tutsangiz, unga suvdan himoyalovchi g‘ilof topish muammo bo‘lishi mumkin (bunday g‘ilof turlari ko‘proq qimmat brend telefonlarga moslab chiqariladi). Mana shunday holatlar uchun universal keyslar yaratilgan. Ular shaffof cho‘ntak shaklidagi zich yopiluvchi zastejkadan iborat. Bunday keyslar telefon, hujjat, pul, chipta kabi qimmatbaho narsalaringiz uchun to‘liq mos keladi. Ular telefoningizni suvdan, yomg‘ir-qordan saqlaydi.
 
3. Maxsus tiqin

Smartfon yoriqlarini berkituvchi maxsus tiqin (zaglushka)lar haqida bilasizmi? Asosan bunday tiqinlar quloqchin, quvvatlagich ulanuvchi teshiklarga o‘rnatiladi. Ular zich yopilib, telefonni germetik holatga keltiradi. Bunday tiqinlar muayyan modeldagi telefonlar uchun moslab chiqariladi: Android uchun USB va USB-Type-C ko‘rinishidagi, iPhone uchun Lightning ko‘rinishdagilari mavjud. Hozirda bunday moslamalarni texnika sotiluvchi do‘konlardan topishingiz mumkin.
 
4. Suvni itaruvchi spreylar

O‘zidan suvni itarib, suv yuqtirmaydigan spreylar ham allaqachon o‘ylab topib bo‘lingan. Bunday sprey qurilma ustida suv turishiga yo‘l qo‘ymaydi. Biroq bu turdagi spreylar ishonchli himoyani ko‘p ham va’da qilolmasligi mumkin. Ammo bu telefoningizni qo‘pol g‘ilov yoki cho‘ntakda solib yurishdan qutqarishi mumkin. Negaki, sprey telefon korpusini qirilishlardan saqlaydi ham.
 
5. Qo‘l ostidagi vositalardan foydalanish

Ba’zida shunday holat bo‘ladiki, telefonni suvdan saqlovchi yuqoridagi vositalar yoningizda bo‘lmaydi. Bu holatda nima qilish kerak? Ko‘chada yomg‘ir sharros quyib yotgan bo‘lsa-chi? Bu holatda telefonni ustki kiyim yoki sumkaning ichki cho‘ntagiga solish kifoya. Yoki, uni oddiygina sellofan paket ichiga solib, o‘rab qo‘ysangiz ham bo‘ladi.