XABARDOR.UZ: Formula-1 poygasida “Moskvich”, kabob tayyorlash uchun Vauxhall va guruch qaynatgichi bo‘lgan Audi – “Motor” portali 1 aprel kuni avtomobil ishlab chiqaruvchilar bizni kuldirishga harakatga qilgan mashinalarni bitta galereyaga yig‘di.  

Mercedes-Benz kompaniyasi barcha marshrutkalar haydovchilarining orzusini amalga oshirdi 

Sprinter 63 S AMG furgonini 503 ot kuchiga ega 4 litrli biturbinali V8 dvigateli, “sport” ko‘rinishidagi tutun chiqarish tizimi va osma bezaklar bilan jihozladi. 

Vauxhall Vivaro Taxi Kebab. Britaniya markasi og‘ir ish kunidan keyin o‘zining yaxshi ko‘rgan kabob yoki doner tayyorlanadigan tamaddixonasiga kirish odatidan voz kecha olmaydigan taksichilar haqida g‘amxo‘rlik qildi.   

Endi bir vaqtning o‘zida yo‘lovchilarni manziliga yetkazish va shaurma tayyorlash bilan shug‘ullanish mumkin.

Honda HR-V Selfie. Krossover selfi olish uchun 10 ta kamera bilan jihozlangan. Fotosuratlarni birato‘la instagramga yuborish mumkin.  

Audi A8’ning Yaponiya uchun 5.5 indeksi ostida chiqarilgan maxsus versiyasi. Raqamlar “goxan” – yaponchasiga guruch degan so‘zni anglatadi. 

Mashina, tabiiyki, guruch qaynatgich bilan jihozlangan.

Skoda ShadeChange. Chex avtomobil markasi “Fabiya” uchun panellari rangini o‘zgartiruvchi yangi avlod kuzovini taklif etdi.  

Panellar rangini multimedia tizimi ekranida kerakli rangni tanlash bilan o‘zgartirish mumkin. Bunday opsiya 670 yevro turadi.

Nissan GYM. Yapon markasi X-Trail va Qashqai modellariga Gym (“Sportzal”) funksiyasini qo‘shdi. Tugmachani bosish bilan haydovchining ortiqcha vaznini kamaytirishga ko‘mak beruvchi dastur ishga tushadi. 

Gym avtomatik parkovka rejimi, rul boshqaruvi kuchaytirgichi, elektr oyna ko‘targichlarni o‘chiradi, uzatish qutisi dastagi, tezlik, ilashish va tormoz pedallari qarshiliklarini oshiradi. Kardioma'lumotlar multimedia tizimi blokiga yoziladi.  

BMW kompaniyasi regbida ishlatiladigan kapaga  (tishlarni zarbadan himoyalovchi rezinadan ishlangan moslama) o‘zining mashg‘ur radiator panjarasi shaklini berdi.    

Eng yoqimli va munosib 1 aprel hazili mukofotini Oklend (Yangi Zelandiya)dagi BMW dilerlik markazi oldi. 

Markaz bepul treyd-in (eski avtomobilni qo‘shimcha pul to‘lab, yangisiga almashtirish xizmati)  haqidagi hazilomuz e'longa ishongan ayolga yangi 1-Series avtomobilini sovg‘a qildi.  

Eng bema'ni hazil mukofoti Racecar Engineering nashriga berildi. Nashr “Moskvich”ning Formula-1 poygasiga qaytishini ma'lum qilgan. Aerodinamik sinovlar boshlab yuborildi.

Nashrga ko‘ra, qayta tiklangan jamoa boshlig‘ining ismi Lyonya Golubkov (mash'um “MMM” reklamasidagi bosh qahramon) , bosh texnik xodimining ismi esa Mikula Golubev (Marvel komikslaridagi telekinez qobiliyatiga ega qahramon) deb ataladi. “Moskvich” bu fotosuratda jamoaning qaysi bir a'zosi tasvirlanganiga aniqlik kiritmadi.