Ижтимоий тармоқларда Самарқанд вилояти Қўшработ тумани прокуратураси биносида содир бўлган она ва унинг жияни ҳамда ИИБ ходимлари ўртасида келиб чиққан куч ишлатиш акс этган видеотасвир тарқалмоқда.

Xaabrdor.uz’нинг аниқлашича, фуқаро Ж.Ш (аёл) 2021 йил 16 июль куни соат 17:00 ларда Қўшработ туман прокуратурасига акасига нисбатан бўлган жиноят иши юзасидан жияни Ф.Ш билан биргаликда кириб борган. Бинода терговчининг хонаси олдида шовқин кўтаргани учун туман прокуратураси терговчиси А.Ҳ. ИИБ профилактика инспектори Ф.Р, А.Б ва М.Шларни тартибни сақлаш учун чақиради.

Икки аёл ҳам ўз навбатида уларга бўйсинмасдан, фаол қаршилик қилади ва ИИБ ходимларининг куч ишлатиши билан бинодан олиб чиқиб кетилади.

Энг қизиғи, юқорида номлари келтирилган 3 нафар эркак (ИИБ ходимлари) аёлни уларнинг қонуний талабларига бўйсунмаслик, ҳақорат қилиш, тан жароҳати етказиш, автомобилига шкаст етказиш ва Ф.Р.нинг хизмат кийимидаги пагонини юлиб олиш каби ҳуқуқбузарликларда айблаб, Иштихон туман судига шикоят қилишган.

Иштихон туман суди эса 2022 йил 4 мартдаги ҳукмига асосан, Ш.Ж.ни Жиноят кодексининг 140-моддаси 3-қисми “а” банди ва 219-моддаси 1-қисми билан айбдор деб топиб, унга нисбатан узил-кесил 1 йил 6 ой муддатга озодликни чеклаш жазосини тайинлайди.

Аёл эса чиқарилган ҳукмдан норози бўлиб, Иштихон тумани судининг ҳукми устидан Самарқанд вилоят суди жиноят ишлари бўйича судлов ҳайъатига апелляция тартибида шикоят киритади ва иш суд томонидан жорий йилнинг 14 апрел куни кўриб чиқилади.

Самарқанд вилоят суди жиноят ишлари бўйича судлов ҳайъати келтирилган далилларни чуққур ўрганмай туриб, Иштихон тумани судининг ҳукмини “қонуний, асосли ва адолатли” деб топади ва биринчи инстанциядаги ҳукмни ўзгаришсиз қолдиради.

Фуқаро Ш.Ж. нинг бир нафар 3 ёшга тўлмаган фарзанди бор. Муқаддам судланмаган, уй бекаси.

• ИИБ
• Жиноят
• Самарқанд
• Суд