Иқлим, экологик ва ижтимоий ўзгаришларнинг табиий ресурсларига таъсирини таҳлил қилиш натижаларига кўра, Жаҳон метереология ташкилоти (WМО) ушбу мавзу бўйича ўзининг биринчи ҳисоботини эълон қилди. Ҳужжат чучук сув заҳираларининг глобал ҳажми ҳақида тасаввур беради, шунингдек, ер криосферасининг (қор ва муз) заиф ҳолатини кўрсатади.

Қайд этилишича, 2021 йилда дунёнинг катта қисми одатдагидан кўра қуруқроқ об-ҳаво шароитини бошдан кечирган.

“Сўнгги йилларда иқлим ўзгаришининг оқибатлари сув ресурслари орқали тобора кўпроқ сезилмоқда: биз кўпроқ кучли ва тез-тез қурғоқчилик, экстремал тошқинлар, нотекис мавсумий ёғингарчилик ва музликларнинг тез эришини кўрмоқдамиз. Бундай ўзгаришлар иқтисодиётлар, экотизимлар ва кундалик ҳаётимизнинг деярли барча жабҳаларига кескин таъсир кўрсатади. Узоқ йиллик изланишларга қарамай, биз ҳалигача чучук сув ресурсларининг тақсимланиш мантиғини, шунингдек, улар билан содир бўладиган миқдорий ва сифат ўзгаришларини тўлиқ тушунмаяпмиз”, – дейди ЖСТ Бош котиби профессор Петтери Таалас.

Таъкидланишича, глобал сув ҳолати ушбу билим бўшлиғини тўлдириш учун мўлжалланган. У тақдим этган маълумотлар ва таҳлиллар иқлим ўзгаришига мослашиш ва юмшатиш учун зарур бўлган инвестицияларни самарали тақсимлайди.

Ҳозирда 3,6 миллиард одам йилнинг камида бир ойи давомида сувдан етарли даражада фойдалана олмаслик муаммосига дуч келмоқда. Бу кўрсаткич 2050 йилга бориб беш миллиарддан (!) ошиши кутилмоқда.

2001 йилдан 2018 йилгача Ер юзидаги барча табиий офатларнинг 74 фоизи сув билан боғлиқ. Яқинда бўлиб ўтган БМТнинг иқлим ўзгариши бўйича 27-конференциясида сув биринчи марта форумнинг якуний ҳужжатида муҳим кўрсаткич ва муҳим ресурс сифатида тилга олинди.

• БМТ
• Ичимлик суви
• статистика