Ғозғон шаҳри, Тахиатош, Мингбулоқ ҳамда Фурқат туманларига янги ҳокимлар тайинланди. Бу ҳақда Ўзбекистон Миллий ахборот агентлиги хабар берди.

Унга кўра, Жўраев Нурали Шуҳратович Навоий вилоятининг Ғозғон шаҳрига ҳокими вазифасига тайинланган.

Бунга қадар у Инвестициялар, саноат ва савдо вазирлиги ҳудудларни ривожлантириш бошқармаси бош мутахассиси вазифасида фаолият юритган.

Айтбаев Камилжан Курбанбаевич эса Тахиатош тумани ҳокими этиб тайинланган. У бунга қадар Амударё тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — иқтисодий тараққиёт ва камбағалликни қисқартириш бўлими бошлиғи лавозимида фаолият олиб борган.

Шунингдек, Мансуров Аҳрор Аҳмадалиевич Наманган вилоятининг Мингбулоқ тумани ҳокими этиб тайинланган.

Фурқат туманига эса Асронкулов Элёрбек Мадаминович ҳоким бўлди. Бунга қадар у Ижтимоий ҳимоя миллий агентлигининг Фарғона вилояти бошқармаси бошлиғи бўлиб ишлаб келган.

• Ҳокимлик