БААнинг Дубай шаҳри мезбонлик қилган 2025-йилги ёшлар Пара Осиё ўйинлари якунланди. Мусобақа Ўзбекистон терма жамоаси учун ўта муваффақиятли ўтди.

Ўзбекистон делегацияси спортчилари 99 та олтин, 57 та кумуш ва 41 та бронза медални қўлга киритиб, умумжамоа ҳисобида биринчи ўринни эгаллади.

Мусобақада Ўзбекистон пара сузиш терма жамоаси спортчилари жами 59 та медаль, жумладан, 36 та олтин медалга сазовор бўлишди. Турнирнинг сўнгги кунида пара сузиш бўйича терма жамоа аъзолари 19 та олтин, 9 та кумуш ва 4 та бронза медални қўлга киритди.

Мусобақада Ўзбекистон пара сузиш терма жамоаси спортчилари жами 59 та медаль, жумладан, 36 та олтин медалга сазовор бўлишди. Турнирнинг сўнгги кунида пара сузиш бўйича терма жамоа аъзолари 19 та олтин, 9 та кумуш ва 4 та бронза медални қўлга киритди.

Шунингдек, В ёшлар Пара Осиё ўйинлари доирасида пара таэквондо бўйича мусобақалар ҳам якунланди. Турнирнинг сўнгги кунида Ўзбекистон терма жамоаси аъзолари 2 та олтин, 1 та кумуш ва 5 та бронза медални қўлга киритиб, жами 8 та медаль жамғаришга муваффақ бўлишди.

Шу тариқа Ўзбекистон делегацияси ёшлар Пара Осиё ўйинларини умумжамоа ҳисобида биринчи ўринда якунлади.

• БАА
• Параосиё ўйинлари
• Спорт
• Ёшлар