Жорий йил 20 июн кунидан 2022/2023 ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш бошланганди. Хусусан, 28 июндан Давлат тест марказининг “My.dtm.uz” сайти орқали йўналишларни танлаш имконияти очилди.

Унга кўра, абитуриентлар 5 тагача йўналиш танлаши мумкин. 2022 йилдан бошлаб бир пайтнинг ўзида бир нечта таълим шаклларини (кундузги, сиртқи, кечки, масофавий) танласа бўлади.

Рўйхатга олиш 20 июлга қадар (20 июл куни ҳам) давом этади ва абитуриентлар 20 июлга қадар ўз маълумотларини ўзгартиришлари ҳамда чет тилидан миллий ёки халқаро сертификатга эга бўладиган бўлса, сертификат маълумотларини киритишлари мумкин бўлади.

Шунингдек, чет тилидан касбий (ижодий) имтиҳон ўтказиладиган бакалавриат таълим йўналишларига онлайн рўйхатга олиш эса 10 июлга қадар (10 июл куни ҳам) амалга оширилади.

• Бакалавр
• DTM
• Имтиҳон
• ijod