Ғазо бўйича Тинчлик кенгашининг олий вакили, Болгариянинг собиқ ташқи ишлар вазири ва БМТнинг Яқин Шарқ тинчлик жараёни бўйича собиқ махсус вакили Николай Младенов Доналд Трампнинг Ғазо бўйича “Кенг қамровли тинчлик режаси”ни амалга оширишга қаратилган 15 банддан иборат “Йўл харитаси”ни эълон қилди. Ҳужжат БМТ Хавфсизлик кенгашидаги брифингдан сўнг унинг Х саҳифасида чоп этилди.

Ҳужжатнинг 1–5-бандлари можарони тинч йўл билан ҳал қилишнинг асосий тамойилларига бағишланган. 6–11-бандлар хавфсизлик масалаларини қамраб олган бўлса, 12–14-бандлар Исроил мудофаа армияси – САҲАЛнинг Ғазодан босқичма-босқич чиқиши ва халқаро барқарорлаштирувчи кучларга оид. 15-банд эса Ғазони тиклаш ишларига бағишланган.

Режага кўра, Ғазо уруш ва гуманитар инқироздан тикланиш, қайта қуриш ва фаластинликлар ўзини ўзи бошқариши босқичига ўтиши, кейинчалик эса мустақил Фаластин давлати ташкил этилиши назарда тутилган.

Ҳужжатда амалдаги ўт очишни тўхтатиш келишувлари доирасида гуманитар ёрдам, ёқилғи етказиб бериш, чегара ўтиш пунктлари фаолияти ва турар жой масалалари бўйича мажбуриятлар тўлиқ бажарилиши шартлиги таъкидланган. Шунингдек, ҳужжатда қуролли тузилмаларни бошқарув тизимидан ажратиш кўзда тутилган. Бироқ давлат хизматчилари ва мунитсипал ходимларга нисбатан жамоавий жазо қўлланмаслиги қайд этилган.

• G‘azo
• Tinchlik shartnomasi
• Трамп