Тошкент вилоятида марказлаштирилган коммунал сув таъминоти тизимига ноқонуний уланган МЧЖ аниқланди. Бу ҳақда Иқтисодий жиноятларга қарши курашиш департаменти хабар берди.

Қайд этилишича, Департаментнинг Ангрен шаҳар бўлими томонидан “Тошкент сув таъминоти” МЧЖ шаҳар филиали ходимлари билан ҳамкорлик терговга қадар текширув ўтказилган.

Унда “Ч.С.” МЧЖ масъул шахслари марказлаштирилган коммунал сув таъминоти тизимига сувни ҳисобга олиш ускуналарини ўрнатмасдан улангани аниқланган. Натижада “Тошкент сув таъминоти” МЧЖ манфаатларига жами 831,6 млн сўм зарар етказганлиги аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

• Жиноят
• Suv ta’minoti