“Қўшма Штатлар ва Саудия Арабистони бир қатор битимларни имзолади, унга кўра Ар-Риёд Америка компаниялари ва иқтисодиётига 600 миллиард доллар миқдорида инвестиция киритади” – дейилади хабарда.

Хусусан, томонлар “тарихдаги энг йирик” мудофаа маҳсулотлари савдоси бўйича 142 миллиард долларлик келишувни имзолаган. Ушбу келишув доирасида Саудия Арабистони АҚШнинг ўнлаб мудофаа компанияларидан энг замонавий жанговар ускуналар ва хизматларни олади. Келишув ҳаво ҳужумидан ва ракеталардан мудофаа тизимларини, шунингдек, ҳарбий-ҳаво кучлари учун замонавий технологияларни етказиб беришни ўз ичига олади.

Доналд Трамп Яқин Шарққа ташрифи давомида Саудия Арабистонидан ташқари Қатар ва Бирлашган Араб Амирликларига ҳам ташриф буюради.

Эслатиб ўтамиз, бу Трампнинг АҚШ президенти сифатида қайта сайланганидан кейинги биринчи расмий хорижий ташрифи ҳисобланади.

• АҚШ
• Битим
• Саудия Арабистони
• Трамп