“Тақиқ, хусусан, Эрон, Судан, Ливия, Сомали, Афғонистон, Туркманистон, Куба ва Венесуэла фуқароларига тааллуқлидир”, – дея хабар бермоқда NBC News телеканали.

АҚШ президенти Доналд Трамп жорий йилнинг июнь ойидаёқ ушбу мамлакатлар фуқароларига Қўшма Штатларга киришга тўлиқ ёки қисман чекловлар жорий этган эди.

The New York Times газетасининг ёзишича, янги чекловлар биринчи навбатда Қўшма Штатларнинг Green card ва фуқаролик дастурлари учун берилган аризаларга тааллуқли. 2 декабрь куни айрим иммигрантлар уларнинг Green card суҳбатлари учун тайинланган учрашувлари тушунтиришсиз бекор қилингани ҳақида хабар берган эди.

Чекловларнинг кучайтирилиши ноябрь ойи охирида Вашингтонда Оқ уй яқинида содир бўлган отишмадан сўнг амалга оширилди. Ҳодиса оқибатида Миллий гвардиянинг ҳарбий хизматчиси ҳалок бўлди, яна бир нафари оғир яраланди. Полициянинг маълум қилишича, гумонланувчи Афғонистон фуқароси бўлган.

• АҚШ
• Миграция
• Виза