Путин Россия фуқаролари томонидан махсус ҳарбий операция иштирокчиларига кўрсатилаётган қўллаб-қувватлашни фронтдаги муваффақиятларнинг асоси деб атади.

Россия президентининг айтишича, ҳарбий хизматчилар ва уларнинг оилаларига ёрдам кўрсатиш нафақат улар учун, балки бутун мамлакат учун муҳимдир.

Россия ҳарбийлари фронтда ёрдамга, жумладан маънавий қўллаб-қувватлашга муҳтож ва россияликларнинг бундай муносабати армиянинг жанг майдонидаги муваффақиятларининг энг муҳим омилларидан биридир. Бу ҳақда Россия президенти Владимир Путин “Ота-оналар шуҳрати” ва “Қаҳрамон она” орденлари билан тақдирланганлар оилалари билан учрашувда айтди, — дея хабар беради ТАСС.

“Мен сизларга, шунингдек, фронтдагилар — сизлар юбораётган буюмлар ва мактубларни олаётган ўша йигитлар номидан ҳам миннатдорчилик билдирмоқчиман”, — деди давлат раҳбари жангчиларга мактуб ва зарур буюмлар юбораётган Шишовлар оиласига мурожаат қилиб.

Путин таъкидлашича, бу ўз жонини хавф остига қўйиб, Россия манфаатларини ҳимоя қилаётган инсонлар учун жуда муҳим. “Мана шу ўзаро боғлиқлик ва қўллаб-қувватлаш бизнинг ҳаёт тарзимизнинг асоси ҳисобланади. Ва, албатта, жанг майдонидаги муваффақиятларимизнинг ҳам асоси”, — дея қўшимча қилди у.

Тадбир видеоконференсия шаклида ўтказилди.

• Ҳарбий хизматчилар
• Путин
• Россия
• Уруш