АҚШда ўтказилган сўровномада сайловчиларнинг 72 фоизи Жо Байденни ақлий жиҳатдан президентликка номуносиб деб топган. Бу ҳақда Anadolu хабар берди.
30 июнь куни ўтказилган сўров натижаларига кўра, рўйхатдан ўтган сайловчиларнинг 72 фоизи АҚШ Президенти Жо Байден давлат раҳбари сифатида хизмат қилиш учун зарур бўлган ақлий ва когнитив саломатликка эга эмас деб ҳисоблайди.
Шунингдек, демократларнинг 45 фоизи Байден соғлиги сабабли президентлик учун курашдан воз кечиши кераклигини айтган.
Собиқ Президент Дональд Трампнинг президентлик учун ақлий ва когнитив тайёргарлиги ҳақида сўралганда, 50 фоиз “ҳа” ва 49 фоиз “йўқ” деб жавоб берилган.
Техас Республикачилар вакили Чип Рой “Байден президентлик ваколатлари ва вазифаларини, шу жумладан бош қўмондоннинг ваколатлари ва вазифаларини бажара олмаслигини бир неча бор ва оммавий равишда намойиш этган”, – дея фикр билдирган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!