Туркияда Рамазон ҳайитининг биринчи кунида 16 мингга яқин киши жабрланди, деб ёзади “Закон.кз”. Республика Соғлиқни сақлаш вазирлиги бошлиғи Фаҳреттин Кожанинг сўзларига кўра, уларнинг аксарияти анъанавий қурбонлик чоғида кесилган жароҳатлар туфайли шифокорларга мурожаат қилган.

“Рамазон ҳайитининг биринчи кунида қурбонлик сўйиш чоғида олган жароҳатлари сабабли мамлакат бўйлаб 16 мингга яқин киши тиббиёт муассасаларига мурожаат қилди”, — деб ёзди вазир Х (собиқ Тwиттер) саҳифасида.

Унинг аниқлик киритишича, Анқарада кўпроқ жароҳат олган - 1274 киши, Истанбулда 840 киши ва Измирда 416 киши жароҳатланган.

Маҳаллий ҳокимият органларининг талабларига кўра, қурбонлик ҳайвонларини сўйиш санитария меъёрларига риоя қилган ҳолда махсус ажратилган жойларда амалга оширилиши керак. Бироқ Туркияда бу талаблар тез-тез бузилади ва ҳар йили Қурбон ҳайити пайтида минглаб маҳаллий аҳоли жароҳатланади.

• Hayit
• Туркия