Ўзбекистон миллий терма жамоаси ва Москванинг ЦСКА клуби ярим ҳимоячиси Аббос Файзуллаев ҳозир 6 миллион еврога баҳоланмоқда. Шу тариқа, у Трансфермаркт талқини бўйича Марказий Осиёнинг энг қиммат футболчисига айланди.

“Файзуллаевнинг ҳам клубдаги, ҳам терма жамоадаги муваффақиятли ўйинлари туфайли унинг қадри ошди. Аббос ўтган мавсумда ЦСКА сафида 32 та ўйинда майдонга тушиб, 5 та гол урди ва 14 та голли узатмани амалга оширди”, – дейилади хабарда.

Файзуллаев Ўзбекистон терма жамоаси билан тарихда илк бор Олимпиада ўйинлари йўлланмасини қўлга киритган эди. Марказий Осиёда қиймат бўйича иккинчи ўринни яна бир ўзбекистонлик спортчи, Италиянинг “Каляри” жамоаси ҳужумчиси Элдор Шомуродов Қозоғистон терма жамоаси ва Туркиянинг “Бешиктош” клуби ярим ҳимоячиси Бахтиёр Зайнутдинов билан бўлишиб турибди. Уларнинг ҳар бири 5 миллион еврога баҳоланган.

• Футбол
• Markaziy Osiyo