“The Guardian” нашри хабарига кўра, 28 октябрь куни АҚШнинг Миссисипи штатида содир бўлган автоҳалокат пайтида Луизиана штатидаги Тулейн университетидан олиб кетилаётган макака маймунлари юк машинасидан чиқиб қочиб кетган.

Ҳайвонлар гепатит C ва COVID-19 каби бир нечта вируслар билан зарарланган бўлган. Улар инсон саломатлиги учун хавф туғдиради. Округ шериф бошқармаси маълумотига кўра, қочган маймунлар одамларга нисбатан тажовузкор ҳисобланади.

Йўқолган бешта маймундан тўрттаси қисқа фурсатда топилган, бироқ биттаси ҳануз озодликда. Авариядан сўнг у ўрмонга қочиб кетган.

• АҚШ
• Avtohalokat
• Вирус