Маҳаллий оммавий ахборот воситаларининг хабар беришича, CJNG картели етакчисининг ўлими ҳақидаги хабардан сўнг жангарилар уруш эълон қилиб, тинч аҳолини ўлдириш билан таҳдид қилишни бошлаган.

Мексиканинг 9 штатида тартибсизликлар юз бермоқда. Гуадалахарада кўча жанглари давом этмоқда, жангарилар юк машиналарини ёқиб юбориб, йўлларни тўсиб қўймоқда.

CJNG жангарилари зирҳли пикапларда ҳаракатланиб, куч тузилмаларига қарата ўт очмоқда, пистирмалар уюштирмоқда. Картель ҳар бир ўлдирилган полициячи ёки ҳарбий учун 1200 доллар мукофот эълон қилган.

Мексика Миллий гвардияси ва полицияси жанглар кетаётган ҳудудларга етиб боришга уринмоқда, бироқ йўллар тўсиб қўйилган, хавфсизлик кучлари колонналари блокадалар орқали тўхтатилмоқда.

Дастлабки маълумотларга кўра, Пуерто Валларта ва Гуадалахара аэропортлари, шунингдек Халиско штатидаги Миллий гвардия базаси ҳужумга учраган.

• Мексика
• Намойиш