АҚШ молия вазирлиги сешанба куни давлат қарзи тарихда биринчи марта расман 31 триллион доллардан ошганини маълум қилди.
Ғазначиликнинг оммага эълон қилинган маълумотларига кўра, 3 октябр ҳолатида АҚШ ҳукуматининг жами 31 триллион, 123 миллиард, 887 миллион, 781 минг, 401 доллар ва 34 цент қарзи бор.
Қайд этилишича, Конгресс тадқиқот хизмати президент Жо Байден инаугурацияси пайтида, 2021 йил январ ойида қарз 27,75 триллион долларни ташкил этганини маълум қилган.
“Бу бор-йўғи беш йил олдин 21 триллион доллар эди”, - деб таъкидлади техаслик конгрессмен Чип Рой.
Манбаларга кўра, Президент Доналд Трамп 2017-йилда президентликка келганида давлат қарзи 19,94 триллион долларни ташкил этган.
Маълумот учун, қарзнинг катта қисми хусусий шахслар томонидан 24 триллион долларга тенг, хорижий ҳукуматлар олдидаги қарзлар эса қарийб 7 триллион долларни ташкил қилади.
Дунёнинг катта қисми билвосита АҚШ долларини глобал захира валютаси сифатида субсидиялайди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!